مازيكتك
أهلاً بكم فى منتديات مازيكتك تفضلو بالدخول اذا كنت مشترك وأذا كنت ذائر فتفضل بالتسجيل
مازيكتك
أهلاً بكم فى منتديات مازيكتك تفضلو بالدخول اذا كنت مشترك وأذا كنت ذائر فتفضل بالتسجيل
مازيكتك
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

مازيكتك

اهلا و سهلا بك يا زائر في منتديات مازيكتك
 
الرئيسيةمازيكتكأحدث الصورالتسجيلدخول

*أنفراد تام فيلم نور عينى cam تصوير ممتاز على اكثر من سيرفر بحجم312ميجا********حصريا الفيلم العربى - قبلات مسروقه - للكبار فقط نسخه DvdRip تحميل مباشر على اكثر من سيرفر***** النسخة النهائية ,,من فيلم الف مبروك بجودة DVD RIp وبمساحة 262 ميجا رابط واحد على عدة سيرفرات*****  مسرحية اولاد دراكولا*****  فيلم بحر النجوم *****  البوم نبيل شعيل " الروائع 2010 " Ripped From Original Cd @ 192 Kpbs*****  حصريا - النسخة الرسميه لــ كليب عبد الفتاح الجرينى و قصى و منى امرشا - Any Given Day - على اكثر من سيرفر بتحميل مباشر ***** قصي وعبد الفتاح جريني ومني امرشا Any Given Day على سيرفرات مباشرة *****كليب تامر حسنى يا انا يا مفيش + الاغنية Mp3 على اكثر من سيرفر بتحميل مباشر ***** حصريا البوم مصطفى قمر هى Golden Rip @ 320Kbps على اكثر من سيرفر مباشر *****  تحميل تامر حسنى أخترت صح على اكثر من سيرفر *****عمرو دياب " لسه بفكر فيك " H Q 320Kbps*****حصريا لقاء ابو الليف مع رولا خرسا فى الحياة اليوم و حديث شيق جدا بعد الشهره على اكثر من سيرفر مباشر *


 

 كلمات اغانى فريــــــــــــد الاطرش

اذهب الى الأسفل 
2 مشترك
كاتب الموضوعرسالة
ghost egy
عضو جديد
عضو جديد
ghost egy


الجنس : ذكر
عدد المساهمات : 6
نقاط : 18
تاريخ التسجيل : 20/03/2010

كلمات اغانى فريــــــــــــد الاطرش Empty
مُساهمةموضوع: كلمات اغانى فريــــــــــــد الاطرش   كلمات اغانى فريــــــــــــد الاطرش Emptyالسبت مارس 20, 2010 6:14 am

]size=18]ويّاك

فريد الأطرش



وياك وياك الدنيا حلوة وياك

بصفاك وجفاك انا راضي يا حبيبي وياك



العين بالعين ولا قادر اقول أهواك

يا ضنين ما تلين ليه ترضى عذابي في هواك



أنا ليلي طال وانت الأمل... والقلب قال إيه العمل

الروح فداك وانت المنى.... وفي يوم صفاك القى الهنا



أنا فين وانت فين يا ملاك يا بدر في سماك

أنا مين وانت مين انا عبدك وازاي اطمع في هواك



أنا رضيت باللي انكتب

وان اشتكيت انت السبب

تهجرني ليه... يكفاك دلال... وانا ذنبي إيه... لو قلبي مال...

وياك... وياك...

**************


جرى إيه يا عزالنا

فريد الأطرش



جرى غيه يا عزالنا، شغلتوا بالنا ليه

ما تسيبونا بحالنا، إيه رح يفيكم إيه



هو اللي في الحب اتمنى، يلقى نصيبه

حرام يحب ويتهنى، وياه حبيبه

قولولنا يا عزالنا، يا محيرين البال

شغلتوا بالنا ليه، إيه رح يفيدكم ايه



الكلمة تصبح مية كلمة، آه من اللايمين

دا الحب يا عزال قسمة، بين القلبين

وليه كلامكم ليه.... وليه ملامكم ليه

شغلتوا بالنا ليه، إيه رح يفيدكم إيه



ليه تحرموا القلب اللي يميل، من احبابه

دا كل شيء في الحب جميل، حتى عذابه

وانا قلبي حن ومال، وما يهمنيش عزال

شغلتوا بالنا ليه، إيه رح يفيدكم غيه

**********


يا ويلي من حبه

كلمات حسين السيد ـ ألحان وغناء فريد الأطرش



يا ويلي من حبه يا ويلي، يا عذابي في نهاري وليلي

لا بيرحم ولا ناره بترحم، ومحير في الحب دليلي



مش داري ولا حاسس بيّ، ولا عمره بيفكّر فيّ

لا بكلمة تصبّرني شوية، ولا نظرة تشفيلي غليلي

بكتب له جوابات واحكيله، عن حالي والحال بشكيله

وابعت له مراسيل تناديله، ولا يرضى يقابل مراسيلي



موال:

قالولي لو يوم رجعلك حبك الغضبان تعمل له إيه

قلت أقابله بفرحة الحرمان وجيبله م الشمس طرحة وم القمر فستان

واقول يا عين دوب روحي أمل وحنان خليه يجرب حلاوة مية العطشان



يا حبيبي الصبر ده له آخر، والشكوى تعبت مش قادر

ودموعي جبتلها دفاتر، من بعد ما خلصت مناديلي

**********




القلب قلبي

كلمات مأمون الشناوي ـ ألحان وغناء فريد الأطرش



القلب قلبي والحب حبي .... والذنب ذنبي انساه يا قلبي

يا ما حلفلي بقلبه .... وعاهدني يخلص في حبه

وعيونه قالت لعيوني

أوعك تصدق شفايف بتحلف .... وعيون جميلة بتوعد وتخلف

شفايفه وعينيه خدعوني

يا ما قال بعنيه وقلت معاه .... اخلصت إليه وخدعني هواه

القلب قلبي والحب حبي

يا قلبي انت الحق عليك .... تسمع كلام الخاين ليه

ولا انت قلبي ولا أسأل فيك .... لو جيت في يوم وسألت عليه

كانت أوهام عاشت ايام .... كانت أحلام مرت في منام

القلب قلبي والحب حبي

*********


إن حبيتني أحبك أكتر

كلمات عبد العزيز سلام ـ ألحان وغناء فريد الأطرش



إن حبيتني أحبك أكتر، إن مليتني راح أنسى هواك

كل ما تتغيّر حاتغيّر، وحَ كون دايماً كده ويّاك

إن حبيتني وصنت هوايَ، رح اشيلك في رموش العين

واخلصلك طول ما انت معايا، وحَ نبقى أسعد حبيبين

وإن ملتني ولاّ جافيتني

رح أقولك في الأول فكر، قبل ما تنساني وانساك

وإن حبيتني أحبك أكتر...



إنت حياتي وروحي ووجداني، الدنيا تهناني في قربك

لكن لو ترضى بحرماني، رح أضحي بهنايا في حبك

وانسى غرامك مع ايامك

وساعتها قلبك حيتحير، وح تندم على كتر جفاك

وإن حبيتني ح حبك أكتر...



علشان نفسي غالية عليَّ، بتحب اللي يحب هناها

لو تراعيها بالحنيّة، تبقى نعم الدنيا معاها

وإن كان حبك راح من قلبك

رح ترجع على قلبي تدوّر، مش حتلاقي الحب معاك

وإن حبيتني أحبك أكتر...

*************


أنا وانت وبس

فريد الأطرش



أنا وانت ولا حد شايفنا .... أنا وانت وبس يا حلاوتنا

*********

أنا وانت وبس الهوى خدنا .... ومشينا مشينا وبعدنا

نسبق ليالينا بخطوينا .... ونقرب أجمل مواعيدنا

ونعيش م الجمعة سبع تيام .... زادنا وزوادنا غرام في غرام

والحب غطانا وفرشتنا .... وخدود الورد مخدتنا

أنا وانت وبس لوحدينا .... طول ماحنا بعيد عن بعضينا

لقمة صغيورة تشبعنا .... عش العصفورة يقضينا

ونعيش م الجمعة سبع تيام .... زادنا وزوادنا غرام في غرام



مرجحنا يا شوق قوي مرجحنا .... مرجحنا يا شوق

على قد ما تقدر طوّحنا .... طوحنا يا شوق

عند القمرة وابني لنا هناك .... أوضة .. شباك

عند القمرة وف عزّ النوم .... افرح .. يا سرور

عند القمرة لا نعاس ولا نوم .... ولا ناس .. ولا لوم

وحلوِّ يا ليل احلوّ .... ويا فرحي .. وصال للجوّ

والحب غطانا وفرشتنا ... وخدود الورد مخدتنا

*********


أنا كنت فاكرك ملاك

فريد الأطرش



أنا كنت فاكرك ملاك .... أتاري حبك هلاك

ظلمت روحي في هواك .... إيه بس ذنبي معاك

دنا كنت فاكرك ملاك



حرمت اصدق عينيك .... كان فيهم الحب باين

وكنت غالي عليك .... عملت فيك إيه يا خاين

يا ما خدعني كلامك .... ودمعتك وابتسامتك

دنا كنت فاكرك ملاك



يا ما سنينا الأماني .... وسبقتنا فيها السنين

هديتها لي في ثواني .... امال بنيناها لمين

من ابتسامتك معايا .... ومن حلاوتك شقايا

دنا كنت فاكرك ملاك

**********




نجوم الليل

فريد الأطرش



نجوم الليل دموع تبكي .... على حبي وآمالي

سواد الليل سطور تحكي .... عذابي وانشغال بالي

ظالـــم وبحبـه من روحي .... قاسي وفي حبه طال نوحي

ليـه الظلم ليـه .... ليه القسـوة ليه

يارب ليه



داريت الدمع والشكوى .... عن الدنيا اللي ما تسوى

ومين قال الحياة حلوة .... وفيها الظلم والقسوة

لمين اشكي ويسمعني ... لمين ابكي ويرحمني

العمر قضيته حزين مظلوم .... اخلص من هم ألاقي هموم

على دمعي أنام أقوم .... واقول ده نصيب وقدر مقسوم



يا رب إيه العمل دي حكمتك

بائس ومالي أمل غير رحمتك

*********




يا قلبي يا مجروح

فريد الأطرش



هو بس هو... اللي ساكن في قلبي

هو بس هو... اللي وهبته حبي

هو.. هو.. هوَّ



النسمة في رقته... والسحر في لفتته...

والقلب في دفقته... بيدق لخطوته...

ويقول ده بس هو

هو بس هو



أحبه لما يعطف... واحبه لما يخلف...

وبنور جماله أحلف.... ولما الناس بتوصف...

الحسن أقول ده هو

هو بس هو



والبدر فوق جبينه... بيغير من نور عيونه...

ولما تنام جفونه... يسهر علشان يصونه

هو بس هو

هو بس هو

************


يا قلبي يا مجروح

فريد الأطرش



يا قلبي يا مجروح... أصبر على المقسوم

باب السما مفتوح... لدعوة المظلوم

أيام تجري... بربيع عمري ... وشكوى قلبي... إليك يا ربي



في القلب نار وجراح... صابر عليها ازاي

أبكي على اللي راح... ولا على اللي جاي

بعت الهوى... في خداع كذاب... وجريت وراه

ولمين اشكي... ولمين ابكي... وشكوى قلبي... إليك يا ربي



تعالَ نحيي أحلامنا... تعالَ اعطف على جروحي

ده العمر لسّا قدامنا... تعالَ بتناديك روحي



يا دنيا بدموع عني... كتبت قسمتي فيكي

يا دنيا من دم قلبي... الجريح الحنه في إيديكي

يا دنيا إيه بس عنك...كمان هاني اللي بيرضيكي

تعالَ يا حياة قلبي... نجدد حبنا الغالي

لا كان ذنبك ولا ذنبي... جرالك زي ما جرالي

وجراح طالت ودموع سالت... وشكوى قلبي إليك يا ربي

**********




أضنيتني بالهجر

فريد الأطرش



أضنيتني بالهجر ما أظلمك فارحم عسى الرحمن ان يرحمك

مولاي حكمتك في مهجتي فارفق بها يأتيك من حكمك

ما كان أخلى قبلات اللذا إن كنت لا تذكر فسأل فمك

تمر بي كأنني لم أكن ثغرك أو صدرك أو معصمك

لو مر سيف بيننا لم نكن نعلم هل أجرى دمي أو دمك

سلِ الدجى كم راقني نجمه لما حكى مبسمه مبسمك

يا بدر إن واصلتني بالجفا وبت في شرخ الصبا مغرمك

كل الدجى مات شهيد الوفا فانثر على أجفانه أنجمك

*********


يا مالكة القلب

فريد الأطرش



يا مالكة القلب في إيدك ده عيد الدنيا يوم عيدك

عيونك في الهوى غنوة وخدّك للأماني كــاس

وعودك لحن يا حلوة سحرتي بيه قلوب النـاس

شافوكي في المهج نشوة وقالوا ربنا يزيــدك

يا مالكة القلب...



جمالك سرّ الهامي وحسك مرحى انغامي

خيالك أحلى احلامي وعيدك سـعد ايامي

ويوم تفيض بي آلامي أواسيها بتغريـدك

يا مالكة القلب...



يا نايقة الورد بعبيره أتاري الورد غار منك

منامي أنت تفســيره وفي لمحة من ضنك

ولحن الحلـــوة تعبيره نغم يحل بترتيلك

يا مالكة القلب...

هلت ليالي

فريد الأطرش



هلت ليالي حلوه وهنية ليالي رايحة وليالي جاية
فيها التجلى دايم تملى ونورها ساطع من العلالي
هلت ليالي هلت ليالي

ليالي حلوة نشتاق اليها وفيها ليلة الله عليها
القدر فيها الله واكبر اوعدنا بيها الله واكبر
ويا رب توبة والعمر نوبة وتكون قريبة تسعد أمالي

هلت ليالي هلت ليالي

فى كل لحظة اقول يا ربى انت اللى اسمك يسر قلبي
على جمالك الله اكبر على جلالك الله اكبر
كل التمني لو ترضى عني واعيش مهنى ولا أبالي

هلت ليالي هلت ليالي


بساط الريح

فريد الأطرش وعصمت عبد الحليم

بساط الريح جميل ومريح وكله أمان ولا البولمان

يا طاير فوق وكلك ذوق أنا مشتاق وبراني الشوق

ودواي في سوريا ولبنان

نسيم لبنان شفا الأرواح عليل القلب عليه يرتاح

ويا مشتاق لبر الشام تروح سكران بلا أقداح بلا أقداح

سوريا ولبنان قامات وقدود عليها بشوف عيون وخدود

تزوّد نار القلب ببارود أنا أعشق سوريا ولبنان.. سوريا ولبنان



نروح يا بساط على بغداد.. على بغداد على بغداد

بلاد خيرات بلاد امجاد.. بلاد خيرات بلاد امجاد



إحنا عنا بالسيف بنحني أرضنا... وفي نهار الحيف بنحمي عرضنا

أما الكرم للضيف نخلوق فرضنا.. آه يا زلم آه يا زلم أه يا زلم



يابا يابا يابا يا باي

يا دجلة أنا عطشان ما اقدر ارتوي من حسنك الفتان هذا الكسروي

في كل رمشة عين خنجر ملتوي لو صاب مني القلب يعدمني عدم

آه يا زلم آه يا زلم آه يا زلم



بساط الريح يا الجناحين مراكش فين وتونس فين

بلاد الحوت والغلة والزيتون فيها الشفايف قوت وللشراب عيون

ياللي عليها تفوت إشبع طعام وشراب... ولا تزيد يا خيّ

تونس أيا خضرة يا حارقة الأكباد غزلانك البيضة تصعب على الصياد

غزلان في المرسى ولا في حلق الواد على الشطوط تعوم

بساط الريح قوام يا جميل أنا مشتاق لوادي النيل

أنا لفيت ولقيت البعد عليّ يا مصر طويل








يا حليوة

فريد الأطرش

يا حليوة يا حليوة يا حليوة في القلب هواك غنّيوة

حبك نساني يا حليوة كل الحلوين يا حليوة

لما عيونك شبكتني وعطفتِ عليّ وحبتني

ما عرفش يا حبيب قلبي ازاي الدانيا ساعتني

*****

وسهرت أفكر فيك

من يوم ما شغلتني بيك

*****

واحلف بغلاوتك.. يا حليوة

ما لقيت في حلاوتك.. يا حليوة

*****

في القلب هواك غنيوة يا حليوة يا حليوة يا حليوة

وحياة قلبي الولهان وعنيه مالك حلفان

لو قالوا دواك نور عيني أديلك روحي كمان



راح احوشها عنك ليه

من غيرك حتساوي إيه



وانا ليّه مين.. يا حليوة

يا سيد الحلوين .. يا حليوة

في القلب هواك غيوة يا حليوة يا حليوة يا حليوة




جميل جمال

فريد الأطرش





جميل جمال، مالوش مثال

ولا في الخيال، صدق اللي قال
زي الغزال.. جميــل جمـال

ليه الدنيا جميلة وحلوة وانت معايا، وانت معايا

ليه تخلي القلب بنشوة وانت أسأي وانت أسـاي

تسألني ليه.. معرفش

والسرِّ إيه.. مفهمش

***

عطف وحنان، من الزمان، ولاَّ عشان

جميل جمال.. جميل جمال

ليه لمَّا بشوفك بِعْنَيَّ روحي تغنِّ.. روحي تغني

وتْنَسِّـي الأيام حواليِّ وتطمنِّي، وتطمني

نظرةْ عينيك.. تسحرني

والشـوق إليك.. حيَّرني

عطف وحنان.. من الزمان

ولاَّ عشان.. جميل جمال.. جميل جمال

***

ليه كل الأزهار بتحبك، والطيـر والناس

علشان الرقة اللي فقلبك، ولاَّ الإحسـاس

ولاَّ القوام.. والخفَّة، والإبتسام عالشفَّة

عطف وحنان.. من الزمان

ولاَّ عشان.. جميل جمـال


حِبّينا، حِبّينا

فريد الأطرش



حبينا حبينا، حبيناكي حبينا

لو ما حبينا عيونك، لا تعذَّبنا ولا جينا

حبينا حبينا حبيناكي حبينا..



وقعنا بالحب وقعنا، وعا درب الهوى ضعنا

وياما وياما تلوَّعنا، وياما وراكي مشــينا



وحياتك منضحِّي الروح ومش ممكن بالسر نبوح

مطرح ما بدِّك منـروح، وين مـا بدِّك ودِّينــا

موَّال

ياليل غني الحب بعده بأوَّلــه خلِّي الحبايب يتقلوا ويتدلَّلوا

يا حلوة الحلوين حبي وسهري ده الحب بين النـاس الله محله

يا ليل

حبيناكي من زمان، يا زهرة على غصن البان

حنِّي عالقلب الولهان، ويا حلوة توصِّي فينـا



وحياة الطير الشادي روحي بإسمك بتنادي

حنِّي يا غزال الوادي وجوَّا قلبك خبِّينــا

حبينا حبينا حبيناكي حبينا


بتأمر عالراس وعالعين

فريد الأطرش



بتأمر عالراس وعالعين اشرب واسقيني من العين

***

متلك يـا سـكَّر بيدوب يا اســمراني يا مهيوب

معقـول تلاقي محبوب ومش معقـول تلاقي تنين

***

يا حبيبي يا بو الأحبـاب يا خدودك ورد وعنّـاب

طاب الهوى بقربك طاب ورقص الدبكة حد العين

متلك يا سكر بيدوب..

***

يا حبيبي أنا روحي فداك شو بتسوى الدنيا لولاك

ريتــك تسلملي محلاك أحلى من الكحلة بالعين

متلك يا سكر بيدوب..

***

موال :

جبينك بدر تحتو رموش وعيون فيهم سحر يروي بحور وعيون

على نقلاتك الغزلان وعيون وعليــك تســابقوا كل الحباب

***

متلك يا سكر بيدوب..

بتأمر عالراس وعالعين..


نورا يا نورا يا نورا

فريد الأطرش





نورا يا نورا يـــا نورا يا وردة نادية في بنورا

إسمك على رسمك صورة مِ القمرة أه يا قمـورة

نورا نورا ويانورا

************

نورا يا إســم على مسمَّى الليل بيه يبقى نهـار

عِشْتِ انتي وعاش مين سمّى يا أميـرة على النوَّار

يا نسيم شفاف.. يا شعر شفاف.. ولا فيش أوصاف

توفيكي الحق يا نورا.. نورا نورا.. نورا نورا يا نورا..

*************

موال:

يا حلـوِ يللي الهوى هفهف على توبـك

أغير عليك مِ الهوى واحسد عليك توبك

مجروح ومالك دوا يا قلبي مكتــوبك



إسمك على رسمك لايق سبحــان من أبدع رسـمك

يا ندى الصبـحِ للرايق اسم اللـه يا نورا على إسمك

يا ليالي العيد.. من غير مواعيد.. أبو حظ سعيد

اللي تحن عليــه نورا

نورا يا نورا ويا نورا


وحياة عينيكي

كلمات اسماعيل الحبروك ـ ألحان وغناء فريد الأطرش





وحياة عينيكي ، مشتاق إليكي

وليـه دموعي، بتهون عليكي

وحياة عينيكي، مشـتاق إليكي

وحياة عينيكي وحيـاة عينيكي..

اللي بينَّا لسَّا بينَّامهمــا تسـعدنا الليالي

وذكرياتك نار وجنَّـة كُلَّها عايشة بخيالي

سهران ليالي، بدموع عينيَّ

وِلِسا غالي.. حُبِّك عليَّ

وحياة عينيكي.. مشتاق إليكي.. وحياة عينيكي

**************

الزمان حيفوت ويجري واللي راح يفضل عذابي

إنت حبِّـك حب عمري أغلى أيامي وشــبابي

عايش لحبِّك يا نور عينيَّ

مستنِّي قلبك يعطف عليَّ

وحياة عينيكي مشتاق إليكي

وحياة عينيكي

عدّا عليَّ الهوى ، خد قلبي مني وراح

وفاتني ما بين دموعي مسـا وصباح


اشتقتلَّك

فريد الأطرش





اشتقتلَّك.. اشتقتلَّك سلام من روحي بعتلَّك

اشتقتلَّك اشتقتلَّك

شرحتلَّك سبب غلبي يا ظـالم قول شو ذنبي

جمعتلَّك دموع قلبي وبرمش العيـن كتبتلَّك

وبرمش العين كتبتلَّك

أنا وحدي بأشــواقي لا ناس ولا كاس ولا ساقي

وعلى عهدك أنـا باقي وقلبــك والله بيــدلـّك

وقلبــك والله بيدلَّك

موال:

على روحي كان غرامك جاني، وأنا اللي زارعك والغير جاني

خبر عن فرقتك ما يوم جاني، ولا مرســـال ردِّ ليَّ جواب



يمين اللـه حلـفتـلَّـك بأغلى ما عندي ضحيتلك

ولا حبيت في يوم قبلـك وليـــل ونهار بحنلَّك

اشتقتلَّك اشتقتلَّك




ختم الصبر بعدنا

فريد الأطرش



ختم الصبرُ بُعدنا بالتلاقي

وشفا الصدرَ انَّ ودَّكَ باقي

أفتدري بما لقيتُ من اللوعةِ

في الشوقِ بعد يومِ الفراقِ

لو ترى ما شربتُ من دموعي

وعلى شربها خيالك فاقي

فبعينيكَ والتكحّلِ بالحسنِ

والسحرِ الحياءِ والإطراقِ

لِمَ باعدتني وأسعدتَ قلبي

وإلى أينَ كان منكَ متاقي

أدنُ مني فإنّ خوفي من الهجرانِ

لا ينتهي بغير العناقِ

كذِبَ الحاسدُ المبلِّغُ عني

غير ما ترتضيه من أخلاقي

هاكَ صدري فضع يديكَ على صدري

وخذ رأيَ قلبيَ الخفّاقِ


إيه فايدة قلبي

فريد الأطرش

إيه فايدة قلبي لو ما كانش هواك
وازاي يتهنى لو ما نالش رضاك
أول ما شفتك كنت طيف في منام
على طول عرفتك واشتهيت الغرام
خايف من حبك لا يكون أوهام
راح أقابلك إمتى وفين.. طمنّي يا نور العين
قلبي وقلبك الاتنين.. بينادونا يا حياتي أنا

ليه بَحنّ إليك.. ليه بادوّر عليك..
يا هنايَ.. يا عذابك
أهوى حبك حتى لو يكون عذاب
يا منايَ.. طال غيابك
آه يا قلبك من قساوتك والغياب

أنا كنت قبل هواك سالي وخالي البال
نوّر لي طيفك ظلام القلب لمّا مال
سهران ليالي مع الأحلام و ليلي طال
يا آمالي.. يا خيالي
إنت مين.. ليه بحبّك.. إيه جرى..
يا نصيبي.. يا حبيبي
إنت روحي ولا قلبي يا ترى؟
الرجوع الى أعلى الصفحة اذهب الى الأسفل
http://friends-to4ever.yoo7.com
حسام الحبيب
الريس الكبير‍‍
الريس الكبير‍‍
حسام الحبيب


الجنس : ذكر
عدد المساهمات : 281
نقاط : 563
تاريخ التسجيل : 03/02/2010
المزاج : أعشق الراب المصرى

كلمات اغانى فريــــــــــــد الاطرش Empty
مُساهمةموضوع: رد: كلمات اغانى فريــــــــــــد الاطرش   كلمات اغانى فريــــــــــــد الاطرش Emptyالخميس مارس 25, 2010 3:34 pm

مشكوووووووووووووووور
الرجوع الى أعلى الصفحة اذهب الى الأسفل
https://mazictk.yoo7.com
 
كلمات اغانى فريــــــــــــد الاطرش
الرجوع الى أعلى الصفحة 
صفحة 1 من اصل 1
 مواضيع مماثلة
-
» اغانى شعبى 2010
» اجمد اغانى اجنبى
» احلى اغانى عماد عبد الحليم
» اغانى عماد عبد الحليم نادره جدا
» كلمات اغنية اهواك للعندليب ( حبيب قلبى )

صلاحيات هذا المنتدى:لاتستطيع الرد على المواضيع في هذا المنتدى
مازيكتك :: أغانى :: كلمات الأغانى-
انتقل الى: