يا سلام عليكى يا ست

.
أروح لمين

أم كلثوم

كلمات: عبدالمنعم السباعي

أروح لمين واقول يامين ينصفني منك
ما هو انت فرحي وانت جرحي وكله منك
أروح لمين

******

كلمة ونظرة عين والقسمة وياهم
جمعوا سوا قلبين والحب مناهم
وبين ليالي المنى خذني الهوى وياه
وكان وصالك هنا وكنت باتمناه
وبعد حبي شغلت قلبي وقسيت عليه
وكان منايا يدوم هنايا ما دمش ليه
لوعني حبك واليوم في بعدك بيفوت سنين
أروح لمين
******

يطول بعدك.. واعيش بعدك على شوقي وأشجاني
ما بين ماضي.. ما هوش راضي يسليني في حرماني
وأبات انعي. أنا ودمعي
واخبي دمع العين واداري م اللايمين

لا يلمحوا عنيه ويشمتوا فيه

ولحد امتى حتبقى انت والشمتانين
أروح لمين
******

أروح لمين ومين ح يرحم أسايا
واقول يامين ومين ح يسمع ندايا
طول مانت غايب ما ليش حبايب في الدنيا ديه
والفكر سارح والهجر جارح يا نور عنيه
شوف دمعي جاري سهران في ناري
ولا انت داري بالسهرانين
أروح لمين

افرح يا قلبي

أم كلثوم

افرح يا قلبي لك نصيب تبليغ مناك ويا الحبيب
افرح يا قلبي
يا فرحة القلب الحزين لو صادق الخل الامين
بعد التمني والحنين يبلغ مناه ويا الحبيب
افرح يا قلبي
الفكر كان تايه شريد والقلب كان هايم وحيد
واللي انكتب له يكون سعيد يبلغ مناه ويا الحبيب
افرح يا قلبي
غنّي له الحان الغرام واحكي له اسباب الهيام
وافرح يا قلبي بالمرام وابلغ مناك ويا الحبيب
افرح يا قلبي
اقطف معاه زهر الحياة مدام هواك وافق هواه
إخلص الية واطلب رضاه وابلغ مناك ويا الحبيب
افرح يا قلبي

أنا في انتظارك

أم كلثوم

أنا في انتظارك خلِّيت، ناري في ضلوعي وحطِّيت

إيدي على خدِّي وعدِّيت، بالثانية غيابك ولا جيت

يا ريت يا ريت يا ريت يا ريت يا ريت

يا ريتني.. يا ريتني عمري ما حبيت

عايزة اعرف لا تكون غضبان، أو شاغل قلبك إنسان

خليتني من يأسي أقـول، الغيبة دي غيبة على طول

واتفكّر إيـه اللي جنيت، من ذنبِ يسيئك مـا لقيت

يا ريت يا ريت يا ريت يا ريت يا ريت

يا ريتني.. يا ريتني عمري ما حبيت

اتقلب على جمر النـار، واتشرد ويَّا الأفكار

النسمة، أحسبها خطاك، والهمسة أحسبها لغاك

على كده أصبحت وأمسيت، وشافوني وقالوا اتجنيت

يا ريت يا ريت يا ريت يا ريت يا ريت

يا ريتني.. يا ريتني عمري ما حبيت

توعدني بسنين وأيَّام، وتجيني بحجج وكلام

وتسلِّم وتمرِّ قوام أو تخلف وتقول لي نسيت

يا ريت يا ريت يا ريت يا ريت يا ريت

يا ريتني.. يا ريتني عمري ما حبيت

إنتَ عمري

غناء أم كلثوم

رجعوني عينيك لأيامي اللي راحوا

علموني أندم على الماضي وجراحه
اللي شفته قبل ما تشوفك عنيه

عمر ضايع يحسبوه إزاي عليّ
انت عمري اللي ابتدي بنورك صباحه

قد ايه من عمري قبلك راح وعدّى
يا حبيبي قد ايه من عمري راح

ولا شاف القلب قبلك فرحة واحدة
ولا ذاق في الدنيا غير طعم الجراح

ابتديت دلوقت بس أحب عمري
ابتديت دلوقت اخاف لا العمر يجري

كل فرحه اشتاقها من قبلك خيالي
التقاها في نور عنيك قلبي وفكري

يا حياة قلبي يا أغلى من حياتي
ليه ما قابلتش هواك يا حبيبي بدري

اللي شفته قبل ما تشوفك عنيه
عمر ضايع يحسبوه إزاي عليّ

انت عمري اللي ابتدي بنورك صباحه
الليالي الحلوه والشوق والمحبة

من زمان والقلب شايلهم عشانك
ذوق معايا الحب ذوق حبه بحبه

من حنان قلبي اللي طال شوقه لحنانك
هات عنيك تسرح في دنيتهم عنيه

هات ايديك ترتاح للمستهم ايديه
يا حبيبي تعالى وكفاية اللي فاتنا

هو اللي فاتنا يا حبيب الروح شويه
اللي شفته قبل ما تشوفك عنيه

عمر ضايع يحسبوه إزاي عليّ
انت عمري اللي ابتدي بنورك صباحه
يا أغلى من أيامي يا أحلى من أحلامي
خدني لحنانك خدني من الوجود وابعدني
بعيد بعيد أنا وانت بعيد بعيد وحدينا
ع الحب تصحى أيامنا ع الشوق تنام ليالينا
صالحت بيك ايامي سامحت بيك الزمن
نستني بيك آلامي ونسيت معاك الشجن
رجعوني عنيك للأيامي اللي راحوا

علموني أندم على الماضي وجراحه
اللي شفته قبل ما تشوفك عنيه

عمر ضايع يحسبوه إزاي عليّ

إنتَ الحبّ

أم كلثوم

يا ما قلوب هايمه حواليك تتمني تسعد يوم رضاك
وانا اللي قلبي ملك ايديك تنعم وتحرم زي هواك
الليل علي طال بين السهر والنوح
واسمع لوم العزال اضحك وانا مجروح
وعمري ما اشكي من حبك مهما غرامك لوعني
لكن أغير م اللي يحبك ويصون هواك أكتر مني
اول عنيه ما جت في عنيك عرفت طريق الشوق بيننا
وقلبي لما سألت عليك قلّلي دي نار حبك جنه
صدقت قلبي في اللي قاله لي
لكن غرامك حيرني وطول بعادك سهرني
تجري دموعي وأنت هاجرني ولا ناسيني ولا فاكرني
وعمري ما اشكي من حبك مهما غرامك لوعني
لكن أغير م اللي يحبك ويصون هواك أكتر مني
أهواك في قربك وف بعدك واشتاق لوصلك وارضى جفاك
وإن غبت احافظ علي عهدك وافضل علي ودي وياك
يورد علي خاطري كل اللي بيننا اتقال
ويعيش معاك فكري مهما غيابك طال
واحشني وانت قصاد عيني وشاغلني وانت بعيد عني
والليالي تمر بي بين أماني وبين ظنون
وانت يا غالي علي كله في حبك وبين ظنون
وانت يا غالي علي كله في حبك يهون
وعمري ما اشكي من حبك مهما غرامك لوعني
لكن أغير م اللي يحبك مهما غرامك لوعني
لمن أغير م اللي يحبك ويصون هواك أكتر مني
ولما اشوف حد يحبك وقد إيه صانه ورعاه
ولما اشوف حد يحبك يحلالي أجيب سيرتك وياه
واعرف جرى له ايه في حبك يحلالي أجيب سيرتك وياه
واعرف جرى له ايه في حبك وقد ايه صانه ورعاه
اسأله إن غبت عنه يا حبيبي اشتاق اليك قدي انا
وإن جافيته يا حبيبي يسهر الليل ويناجيك زيي انا
ألاقي قلبي أنا حبه ما جه علي بال
لا عن هواك له غني ولا يوم لغيرك مال
أنت الأمل اللي احيا بنوره عمره ما يبعد يوم عن عيني
وانت الشوق اللي اسمع صوته لما تغيب عني يناديني
وانت الحب اللي ما فيش غيره لو يسعدني أو يشقيني
وعمري ما اشكي من حبك مهما غرامك لوعني
لكن أغير م اللي يحبك ويصون هواك أكتر مني

على فكره انا مش شايف حاجه علشان اللون اصفر